PRESENTAN INICIATIVA PARA GARANTIZAR EL DERECHO AL TRABAJO DE LAS PERSONAS CON DISCAPACIDAD

Chilpancingo, Guerrero. Majtlali uan ome tonali mestli enero, xiuitl 2021. In tekiuaj diputado Carlos Cruz López, okiteixpanti se amatlajkuiloli ika mopatlas nauatili ipan tlajtokayotl Guerrero, kampa momanauis nautiltlakayotl, tlen kipiya in maseual kokoxkamej ika kipiyaskej se tekitl.

Itech nechikolistli pan tonali martes, in tekiuaj diputado itech Morena, okijto in kaltekioj Instituto Nacional de Estadística y Geografía (INEGI), pan xiuitl 2018 okipojkej 7.7 millones maseualmekokoxkamej onkatej pan tomexikalpan, tlen san yeyi itech majtlaktli kipiyak se tekitl.

Noijki okitemachilti in tlajtokayomej kampa onkate kachi miyej maseualkokoxkamej kej Zacatecas ika 10.4 por ciento; Tabasco 9.8 iuan tlajtokayotl Guerrero ika se 9.4 por ciento, uan se tekipachyotl tlen kipiyaj in maseual kokoxkamej yaui itech tlen amo kinneki kinmakaskej tekitl, amo onka kenijki kalakiskej pan uejueyikalmej uan kampa tekipanoaj.

Cruz López okijto tlen kajki pan tlanauatilmej tlen onka itech tlajtokayotl Guerrero, ompa ijkuilojtok nautiltlakayotl ika kipiyaskej tekitl in maseualkokoxkamej, uan amo kinmakaj tekimej iuan tekiuajkej estatales noso municipales. Uan kuak kitlamiyaj se tekitl uan kitemoaj okse, amo kinneki kintlakeuaskej..

In ixpantilistli ometemaktik itech Comisión de Derechos Humanos ika momachtiskej tlakipanoltiyaj noso amo.

Adiciones a la Ley que Regula la Infraestructura Física Educativa

Itech in nechikolistli, Carlos Cruz López okijtoj noijki mamotlalikan tlajkuilolmej ika moyektlalis in nauatili Ley que Regula la Infraestructura Física Educativa para el Estado de Guerrero, ika pan nochtin kaltlamachtilmej makintlalikan teposmej ika uelis mochikauaskej in maseual kokoxkamej.

Okijto yejuain moneki pampa in maseualkokoxkamej amo kipiyaj teposmej kanoj mochikauaskej, pampa pan kaltlamachtilmej amo onkakej in teposmej tlen monekij.

In amatlajkuiloli omopanoltij itech Comisión de Educación, Ciencia y Tecnología, in tekiuaj diputado kijtoa mamotemachiltij pan kaltlamachtilmej moneki makintlalikan in teposmej ika mochikauaskej in maseual kokoxkamej uan noijki mamonemili ika uelis mauiltiskej in maseualmej kuak kokonetsitsin.

Otras Iniciativas

El diputado Marco Antonio Cabada Arias (Morena) presentó por su parte una iniciativa de reforma al Código Penal del Estado de Guerrero que busca dar claridad a las leyes locales y especificar que la portación de electrochoques o gas pimienta como objeto de defensa personal, no representa una falta ni amerita sanción. La propuesta se turnó para su análisis y dictaminación a la Comisión de Justicia.

Okse tekiuaj diputado Marco antonio Cabada Arias (Morena), okiteixpanti okse amatlajkuiloli ika mopatlas in Código Penal del Estado de Guerrero, tlen kitemaktis chipaualistli itech nautilmej kampa kijtoskej tlamouikatinemi electrochoques noso gas pimienta kej ika momaseualmanauiskej amo uelis onies tetlajyouilistli. In amatlajkuiloli omotemaktij itech Comisión de Justicia.

El también diputado de Morena Ossiel Pacheco Salas presentó una iniciativa de adición a la Ley de Aguas del Estado de Guerrero, con el objeto de que el gobierno estatal, por medio de la Secretaría de Desarrollo Urbano, Obras Públicas y Ordenamiento Territorial, los ayuntamientos y sus respectivas comisiones de Agua Potable y Alcantarillado, apliquen las políticas públicas necesarias para la captación de agua pluvial en los edificios públicos, como fuente alternativa adecuada para los diferentes usos humanos.

Esta última propuesta se turnó a la Comisión de Agua, Infraestructura y Recursos Hidráulicos del Congreso del Estado.

Okse noijki tekiuaj diputado itech Morena Ossiel Pacheco Salas, okiteixpanti se amatlajkuiloli itech Ley de Aguas del Estado de Guerrero, ika in ueyi tekiuaj pan tlajtokayotl ika in Secretaria de Desarrollo Urbano, Obras Públicas y Ordenamiento Territorial, los Ayuntamientos y sus respectivas comisiones de Agua Potable y Alcantarillado, makichiuakan tekimej ika mosetilis in kiajatsintli pan uejueyi kaltekiomej ika uelis kikuiskej in maseualmej.

In amatlajkuiloli omotemaktij itech Comisión de Agua, Infraestructura y Recursos Hidráulicos del Congreso del Estado.

Traducción para La Dekonstrucción: Siuatlajtolkuepani Ameyali Téotl