Traducción: Manuel Hernández

Alfredo Sánchez Esquivel, presidente ña náni Junta ña Coordinación Política (Jucopo) ndika´a ra ndi, ndasama ndi na ña ku comisión ña congreso ñuu Kuatyi, ña yoó kia kindoó na. Sa katyi ra ndi, kana na ña, na ndakita´a númi na diputado, ta in katyi koo yuú na xa´a ya ndasama na na ñuú comisión, kué ndasama na tu ku na inuú nuú ña comisión, ndi xini ñuú ndasama na ndiku, tyi sava na ra ni comisión taa kuú na.

Sánchez Esquivel sií iyo ina ra tyi viti ra kama ni kua tyiñu ini ve´e congreso. Tu ku ña kuni ke ndatuú na xa´a kama ni ndakitaá na, ta nduku na kua´a na tyondeé taá xií na ña na kama ni tava na tyiñu, tyi kua´a ni tutu iyo ndakaxi na xa´a. Yoó ndiya´a ta kue ni katyiñu na, ndiké kama na tutu, ta viti ra kama ni kaxa na ke´e ne.

Kana na tu ku na katyiñu xií periódico ra ndika´a na xií na ndi, kuni ke 7 yoó ña ndií tyiñu ndaá na, ta tu ku tutu ña kue ndindakaxi na xa´a viti kia na tyika na ndié ya na ke´e ndii na ña kumania. Sava na diputado ra kukaa va nuú na tyi kuni ni ke ke´e na ña tyiñu xaá nda´a na, ta sava ra kue ndike´e kama na tu ka xaá ndaá na tyi sava ra ndinaá ni na an xa´a kue´e xika viti nditaxa katyiñu na.

Xa in yoó kia katyiñu na jucupo ra xa sandií na ña ndakaxi na xa´a tutu an tyiñu xa´a nda´a na. Kama ni na ko na ti na lápiz, tu ku na diputado na ndakoó yu´u na xií na katyiñu xií na ta kama ni ku tyiñu, ta yaka kia katyi ra ndi ña Legislatura 62 kue kindoó na tyi sata, tyi viti ra xa ndakita´a na ta kama ni kuu tyiñu katyi ra diputado morenista.

Sa tu ndika´a ra ndi viti ra tu ku ndina diputado ra iyo ityi na ndatuú na xií na yuvi yu kia ke´e na, nda tyiñu kia ke´e na, na kundaa ini na ñuu yu kia ke´e na diputado. Katyiñu ra Ezquivel ña na kundaá ini na ñuu, yu kia gasa na ve´e ña congreso xa´a tu ku ña na vií no ko na ñuu.

Ka´a ra ndi na jucupo vií va ndita´a na xií tu ku dnii na innuú nuú na diputado, ta tu ki ndi na kusií va ini na ña vií ke´e na tyiñu viti, koó ka ña maña. Ty sava ra tu ku nasi´i katyiñu xií na diputado ya´a vi ka kií na nuú tu ku sava na ke´e mi tyiñu ke´e na, in katyi tyiñu ke´e na ndi sava na ra loó va tya´avi na na.

Ña ve´e Congreso katyi ra Sánchez Esquivel, ndi kundaá na tuku na yuvi katyiñu ini ve´e yoo, ta yaka kia iyo un ya´a na ta kondaá na nduta na, ña na kií kue´e na, tyi xini ñuú konda´a yo na yuvi, “yu ku ra ka´a xií ndo, tyi xa kií kue´e sai covid-19 yu´u.” ta yaka kia ndika´a ra xií na ñuú ndi na kondaa ni na mií na.

Na periodista ra ndinakatuu na xa´a ña ta Félix Salgado, ta ndakui ra ndi na kundatu na yo, tyi marxo kia ka´a na IEPC tu ya´a ra kuvi ra candidato, ndi xini ñuú kundatu yo, kue va ku´u yo, “ndi ndatu ndi kura candidato”. Iyo ityi na siíso kuatyi ta yaka kia iyo ityi ra Félix ndakií ra tu´u ra, sa tu xiíni ñuú konda yo ña na kandu´uva na yuvi xií na xaki kuatyi, tyi yaka kia iyo ña nani tribunal ta naka ku na ti kuatyi.

Sa tu ndika´a ra xa´a ña reforma ña ndakui xa´a na kue ka´a tu´un saá xií xa´a na tuú, ndi na jucupo ra tyindeé taá na xií na, ndi xiíni ñuú ndakaxi va´a na xa´a ña ve´e congreso, ndi gasatoó ra tu ku ña ka´a xa´a na Isavi ya iyo nuú constitución, tu ka ña tratado internacional, xií ña ndikai´i un tutu ña constitución ñuu Kuatyi.

Ndindakatuu na ra xa´a ña na xika xa´a municipio xaá, ta ndakui ra ndi kúmi ku na kixaá ndi viti ra xa kua´a va ku na, ta yaka kia ndakaxi vií na xa´a ña.

Xa´a ña nuú se´e na sií Ndika´a ra ndi kuniso´o na tu ku ndii na yuvi, tyi kua´a ni xani xiíni na, ta yaka kia ndakita´a na xií kua´a na yuvi, sa tu na diputado xiíni ñuú ndakitaá na xií na ndiíni xae´e yo, ta tu´u na tu xiíni ñuú xae ini ve´e congreso.

Sa tu ndakui ra ndi tu ku ndi ña ta´avi na normalista, xa sandaá ne, sa tu tuku tu coputadura tava na, xa ndixaa tu xaá.
Sánchez Esquivel ndika´a ra ndi tava na tutu ña xa´a na kunuú nuú ña Comisión ña Derechos Humanos ña Ñuu Kuatyi